Թբիլիսիում ցուցարարների և ոստիկանների միջև բախումներ են տեղի ունեցել
Թբիլիսիի Թեմկա շրջանի ոստիկանական բաժանմունքի մոտ բախում է տեղի ունեցել ցուցարարների և իրավապահների միջև, հայտնում է Վրաստանի Առաջին ալիքը։
Առկա տեղեկությունների համաձայն՝ մի քանի ցուցարարներ բերման են ենթարկվել ոստիկանների կողմից դիմակներ կրելու համար, ինչը հանգեցրել է առճակատման։
Իր հերթին, «Նովոստի-Գրուզիա»-ն, վկայակոչելով TV Pirveli-ն, հայտնում է, որ առնվազն վեց մարդ է բերման ենթարկվել Թբիլիսիի TEVZ թաղամասի ոստիկանական բաժանմունքի մոտ բողոքի ակցիայի ժամանակ։
Սարաջիշվիլի մետրոյի կայարանից մի քանի տասնյակ մարդ «Ոչ ոստիկանական ռեժիմին» կարգախոսով երթով շարժվել է դեպի ոստիկանական բաժանմունք։ Հանրահավաքի մասնակիցներից մի քանիսը ցուցադրաբար դիմակներով ծածկել են դեմքերը։ Վերջերս Վրաստանում բողոքի ակցիաների ժամանակ դա արգելվել է։
Չենթարկվողներին ոստիկանությունից հայտնել են, որ կտուգանվեն։ Ի պատասխան՝ նրանք սկսեցին վանկարկել՝ «Ոստիկանություն ամենուր, արդարություն՝ ոչ մի տեղ»։
Շուտով ՆԳՆ աշխատակիցները սկսել են բերման ենթարկել ցուցարարներից մեկին, ինչը մյուսները փորձել են կանխել։ Փոխհրաձգության ժամանակ կոտրվել է բաժանմունքի ապակե դուռը։
