Նժդեհի գաղափարները մեզ հիշեցնում են, որ ազգային ինքնագիտակցությունը և միասնականությունը անփոխարինելի են մեր պետականության և մշակույթի պահպանման համար. Հենրիխ Դանիելյան
Հենրիխ Դանիելյանը գրում է. «Այսօր նշվում է Ցեղակրոնի օրը, որը առանձնահատուկ նշանակություն ունի մեր ազգային ինքնության և արժեքների պահպանման գործում։ Այս օրը մենք կարևորում ենք Գարեգին Նժդեհի ուսմունքը, որն ուղղված է հայ ժողովրդի ոգու ամրապնդմանը, հայրենիքի հանդեպ անսահման սիրուն և նվիրվածությանը։
Նժդեհի գաղափարները մեզ հիշեցնում են, որ ազգային ինքնագիտակցությունը և միասնականությունը անփոխարինելի են մեր պետականության և մշակույթի պահպանման համար։ Ցեղակրոնությունը ոչ միայն գաղափարախոսություն է, այլև կենսակերպ, որը կոչ է անում մշտապես գործել հանուն հայրենիքի և ապագա սերունդների։
Այսօր մենք պարտավոր ենք շարունակել Նժդեհի գաղափարների և ժառանգության պահպանումն ու զարգացումը՝ դառնալով մեր ազգի և հայրենիքի զորացման առաջամարտիկները։ Ցեղակրոնի օրվա խորհուրդը հիշեցնում է մեզ մեր պարտականությունները՝ ազգային արժեքների հանդեպ հավատարմությամբ և հաստատակամությամբ առաջնորդվելու»։
