Զելենսկին Կիմ Չեն Ընին գործարք է առաջարկել
Ուկրաինան պատրաստ է ԿԺԴՀ-ի ղեկավար Կիմ Չեն Ընին հանձնել հյուսիսկորեացի զինվորներին, որոնք մարտերի ժամանակ գերեվարվել են Ուկրաինայի զինված ուժերի կողմից։ Սակայն զինվործառայողների վերադարձի մեկ պայման կա. այս մասին հայտարարել է Ուկրաինայի նախագահ Վլադիմիր Զելենսկին, գրում է է РБК-Украина-ն։
«Ուկրաինան պատրաստ է Կիմ Չեն Ընին հանձնել նրա մարդկանց, եթե նա կարողանա կազմակերպել հյուսիսկորեացի զինվորների և ՌԴ-ում գերության մեջ գտնվող մեր զինվորների փոխանակումը»,- ասել է Ուկրաինայի ղեկավարը։
Զելենսկին նշել է, որ առաջին գերի ընկած հյուսիսկորեացի զինվորներից բացի, կլինեն նաև այլ գերիներ և որ դա միայն ժամանակի հարց է։
Երեկ Զելենսկին հայտնել էր, որ ուկրաինական ուժերը ՌԴ Կուրսկի մարզում գերի են վերցրել 2 հյուսիսկորեացի զինվորի:
