ՏԿԵ նախարարը Քաղավիացիայի կոմիտեում աշխատանքային խորհրդակցություն է անցկացրել
Հայաստանի տարածքային կառավարման և ենթակառուցվածքների նախարար Դավիթ Խուդաթյանն այցելել է Տարածքային կառավարման և ենթակառուցվածքների նախարարության ենթակայությամբ գործող Քաղաքացիական ավիացիայի կոմիտե։ Այս մասին հայտնում են ՏԿԵ նախարարությունից:
Նախարարը նախ ծանոթացել է անձնակազմի հետ, աշխատանքային խորհրդակցություն է անցկացրել կոմիտեի ղեկավար անձնակազմի մասնակցությամբ։
Կոմիտեի նախագահ Միհրան Խաչատրյանը ներկայացրել է Կոմիտեի գործունեությունը, իրականացվող աշխատանքները, Կոմիտեի զարգացման պլանը։ Ապա համատեղ շրջայց են կատարել «Հայաէրոնավիգացիա», «Ավիաբուժ» բժշկական կենտրոն, «Ավիաուսումնական կենտրոն» ընկերություններում։ Նախարարը ծանոթացել է ընկերությունների աշխատանքներին, գործունեությանը, քննարկել են ընթացիկ աշխատանքային հարցեր։
