Գազայի հատվածի վրա իսրայելական հարձակումների հետևանքով 1 օրում զոհվել է ավելի քան 20 պաղեստինցի
Գազայի հատվածի վրա իսրայելական հարձակումների արդյունքում վերջին 24 ժամվա ընթացքում ավելի քան 20 պաղեստինցի է զոհվել։
Այդ մասին տեղեկացնում է Al Jazeera հեռուստաալիքը։ Նշվում է, որ ուրբաթ օրվանից խաղաղ բնակիչներ են զոհվել Գազայի բոլոր հատվածներում իսրայելական հարձակումների հետևանքով։
Ռազմական ինքնաթիռները հարվածներ են հասցրել Գազայի Ալ-Ռիմալ և Ալ-Զեյթուն շրջանների բնակելի շենքերին, ինչի հետևանքով զոհվել են խաղաղ բնակիչներ, մի քանիսը վիրավորվել են: Ալ-Զեյթունը ենթարկվել է նաև հրետակոծման։
