Փարիզում տեղադրվել է Աթաթուրքի կիսանդրին
Հոկտեմբերի 29-ին Փարիզի Էպինե սյուր Սեն քաղաքում՝ Տրապիզոնի տան դիմաց տեղադրվել է Մուստաֆա Քեմալ Աթաթուրքի կիսանդրին։ Նշվում է, որ կիսանդրու տեղադրման գործում մեծ դերակատարում ունի Փարիզի Տրապիզոնի ասոցիացիան։ Այս մասին տեղեկացնում է ermenihaber.am-ը։
Բացման արարողությունից առաջ Տրապիզոնի տունը աբողջությամբ ձևավորված է եղել թուրքական դրոշներով ու Աթաթուրքի պաստառներով։ Աթաթուրքի կիսանդրու վրա գրված է իր հայտնի մեջբերումներից մեկը՝ «Խաղաղություն հայրենիքում, խաղաղություն աշխարհում»։
Տրապիզոնի «Լավ» (İYİ) կուսակցության պատգամավոր Յավուզ Այդըը, Մերալ Աքշեները և Թուրքիայի ազգային մեծ ժողովի պատգամավոր Մուսավաթ Դերվիշօղլուն ծաղիկներ են ուղարկել։
Հիշեցնենք, որ Մուստաֆա Քեմալ Աթաթուրքը հանդիսանում է Թուրքիայի Հանրապետության հիմնադիրը՝ լինելով հանրապետության առաջին նախագահը 1923-1938 թվականների ընթացքում։
