Սանկտ Պետերբուրգում անհայտ անձը դանակով հարձակվել է քաղաքացիների վրա
Սանկտ Պետերբուրգում «Օքեյ» հիպերմարկետի գնորդների վրա դանակով հարձակվել է անհայտ անձը, վեց մարդ վիրավորվել է։
Նախնական տվյալներով՝ լուրջ վնասվածքներ են ստացել անվտանգության աշխատակիցն ու մեկ գնորդ, նրանց տեղափոխել են հիվանդանոց:
Եվս չորսը հրաժարվել են հոսպիտալացումից ։
Նշվում է, որ այժմ հիպերմարկետը փակ է, տեղում աշխատում են արտակարգ ծառայությունները։
Shot տելեգրամյան ալիքի տվյալներով՝ 44-ամյա հանցագործը թմրանյութերի ազդեցության տակ է եղել, ձերբակալման ժամանակ հայտարարել է, որ ատում է մարդկանց։ Քննչական կոմիտեն քրեական գործ է հարուցել երկու և ավելի անձանց նկատմամբ սպանության փորձ կատարելու դեպքի առթիվ։
