ԱՄՆ ավելի քան 30 նահանգներում մեկնարկել է նախագահական ընտրությունների վաղաժամ քվեարկությունը

ԱՄՆ նախագահական ընտրությունների օրվան՝ նոյեմբերի 5-ին, մնացել է 13 օր, և ավելի քան 30 նահանգներում վաղաժամ քվեարկությունը սկսվել է, հայտնում է CBS News-ը։ Գրեթե յուրաքանչյուր նահանգ կամ վաղաժամ քվեարկություն է սկսել, կամ քվեաթերթիկներ ուղարկել փոստով:

Երեքշաբթի երեկոյան փոխնախագահ և նախագահի դեմոկրատ թեկնածու Քամալա Հարիսը հարցազրույց է տվել NBC-ին և Telemundo-ին, որոնք կցուցադրվեն չորեքշաբթի երեկոյան տեղական ժամանակով։ Չորեքշաբթի երեկոյան նա կմասնակցի CNN-ի Փենսիլվանիայի հեռուստահաղորդաշարին:

Նրա հակառակորդը՝ ԱՄՆ նախկին նախագահ և նախագահի հանրապետական ​​թեկնածու Դոնալդ Թրամփը, այդ նույն ժամանակ, քարոզարշավ է անցկացնում Ջորջիա նահնագում։

Մինեսոտայի նահանգապետը և փոխնախագահի դեմոկրատ թեկնածու Թիմ Ուոլցը չորեքշաբթի Սենթ Փոլում քվեարկել է կնոջ՝ Գվենի և 18-ամյա որդու՝ Գասի հետ, որն առաջին անգամ էր քվեարկում։