ԱՄՆ-ը մանրամասներ է հայտնել համացանցում հայտնված Իրանի հետ կապված Իսրայելի հույժ գաղտնի ծրագրերի արտահոսքի վերաբերյալ
ԱՄՆ պաշտոնյաները հետաքննում են ամերիկյան երկու հույժ գաղտնի փաստաթղթերի ակնհայտ արտահոսքը, որոնք ցույց են տալիս, որ ԱՄՆ հետախուզական ծառայությունները հետևում են Իսրայելի հնարավոր նախապատրաստություններին Իրանի վրա հարձակման համար, հաղորդում է NBC News-ը՝ վկայակոչելով պաշտոնական աղբյուրները:
Ըստ ամերիկացի պաշտոնյայի, ազգային անվտանգությանը հասցված վնասը, ըստ երևույթին, սահմանափակ է, թեև գնահատումը դեռ շարունակվում է։ ԱՄՆ հատուկ ծառայությունները հրաժարվել են մեկնաբանել փաստաթղթերը, որոնք հրապարակվել են ուրբաթ օրը Telegram-ում։ Երկու փաստաթղթերն էլ նշված են որպես «Հույժ գաղտնի»:
Փաստաթղթերից մեկի վերնագիրն է․ «Իսրայել. ռազմաօդային ուժերը շարունակում են Իրանին հարվածելու նախապատրաստությունը և 2024 թվականի հոկտեմբերի 15-16-ը խոշոր ուժերի ներգրավմամբ երկրորդ զորավարժություններ են անցկացնում»:
Երկրորդ փաստաթուղթը վերնագրված է «Երկրատարածական հետախուզության ազգային գործակալություն»․ այսպես է կոչվում ամերիկյան հետախուզական գործակալությունը, որը մասնագիտացած է արբանյակային լուսանկարների և հետախուզական տեղեկատվության այլ աղբյուրների վերլուծության մեջ:
Փաստաթղթում ասվում է. «Իսրայելական բանակը շարունակել է պատրաստել հիմնական զինամթերքը և անօդաչու թռչող սարքերի գաղտնի գործունեությունը, գրեթե անկասկած 2024 թվականի հոկտեմբերի 16-ին Իրանի դեմ հարված հասցնելու համար»:
«Մենք չենք կարող ճշգրիտ կանխատեսել Իրանի վրա հարձակման մասշտաբներն ու ծավալները, և նման հարվածը կարող է տեղի ունենալ առանց աշխարհագրական դիրքի հետագա նախազգուշացման», – նշվում է գաղտնազերծված փաստաթղթերից մեկում։
Փաստաթղթում նաև ասվում է, որ Իսրայելը, ըստ երևույթին, ցրել է իր միջին հեռահարության բալիստիկ հրթիռները (IRBM)՝ որպեսզի պաշտպանի դրանք Իրանի հարձակումից, և որ որևէ նշան չկա, որ Իսրայելը պատրաստվում է միջուկային հարված հասցնել Իրանին:
