Արամուսում բախվել են «Volkswagen Golf»-ն ու «Ford Transit»-ը

Այսօր՝ հոկտեմբերի 13-ին, ավտովթար է տեղի ունեցել Կոտայքի մարզում։ Ժամը 10։00-ի սահմաններում Արամուս բնակավայրի Ջրմուղի և Կենտրոնական փողոցների խաչմերուկում բախվել են Կոտայքի մարզի բնակիչներ 57-ամյա Գառնիկ Մ․-ի վարած «Volkswagen Golf» մակնիշի և 48-ամյա Արմեն Վ․-ի վարած «Ford Transit» մակնիշի ավտոմեքենաները։

Ինչպես հայտնում է Shamshyan.com-ը, Աբովյանի շտապ օգնության բժիշկների հերթապահ խումբը տեղում վարորդներին ցուցաբերել է բժշկական օգնություն, նրանք հրաժարվել են հիվանդանոց մեկնելուց։