ԱՄՆ-ն ու Արևմուտքը փորձում են խառնվել «Խաղաղության պայմանագրի» շուրջ տարվող աշխատանքին, այնինչ այդ աշխատանքի հիմնական մասը Ռուսաստանում է արվել․ Ուշակով
Միացյալ Նահանգները և Արևմուտքի երկրները փորձում են խառնվել Հայաստանի և Ադրբեջանի միջև «Խաղաղության պայմանագրի» կնքման շուրջ գործընթացին, այնինչ այդ ուղղությամբ հիմնական աշխատանքը Ռուսաստանում է արվել, հայտարարել է ՌԴ նախագահի օգնական Յուրի Ուշակովը։
«Մենք համարում ենք, որ ամբողջ «սևագիր աշխատանքը» Մոսկվայում է արվել»,- Ուշակովի խոսքերն է մեջբերել «Ռիա Նովոստի»-ն։
ՌԴ նախագահի օգնականը մտահոգություն է հայտնել նաև, որ ԱՄՆ-ն ու Արևմուտքը, միջամտելով բանակցային գործընթացին, ցանկանում են այդպիսով խառնվել նաև տարածաշրջանի ներքին գործերին։
