Սիրիայի Տարտուս քաղաքի վրա հրթիռներ են արձակվել
Սիրիայի Տարտուս նավահանգստային քաղաքի վրա հրթիռներ են արձակվել, աշխատել է հակաօդային պաշտպանության համակարգը։ Այս մասին հաղորդում է Reuters գործակալությունը՝ վկայակոչելով երկրի ռազմական գերատեսչության իր աղբյուրներին։
Աղբյուրները նշել են, որ ՀՕՊ ուժերը խոցել են մի քանի հրթիռ, որոնք, ենթադրաբար, եղել են իսրայելական։ Իսրայելի ռազմական գերատեսչությունը հրաժարվել է մեկնաբանել այս տեղեկությունները։ Սեպտեմբերի 23-ից, Գազայի հատվածում ընթացող ռազմական գործողություններին զուգահեռ, Իսրայելը հարվածներ է հասցնում Լիբանանին։
Ըստ երկրի առողջապահության նախարարության՝ Լիբանանի վրա Իսրայելի հարձակման հետևանքով զոհվել է 569 մարդ, այդ թվում՝ 50 երեխա։ 1835 մարդ վիրավորվել է։ Լիբանանի հարավից տասնյակ հազարավոր մարդիկ են տարհանվել։
