Իրանը չի ցանկանում պատերազմ Մերձավոր Արևելքում. Փեզեշքիան
Իրանը չի ցանկանում պատերազմ Մերձավոր Արևելքում. այս մասին հայտարարել է Իրանի նախագահ Մասուդ Պեզեշքիանը։ Այս մասին հաղորդում է NBC հեռուստաալիքը։
«Մենք պատերազմ չենք ուզում: Մենք ուզում ենք ապրել խաղաղության մեջ: Մենք բոլորից ավելի լավ գիտենք, որ եթե Մերձավոր Արևելքում մեծ պատերազմ սկսվի, դա ոչ ոքի օգուտ չի բերի: Իսրայելն է, որ ձգտում է ավելի մեծ հակամարտություն ստեղծել»,- ասել է Իրանի նախագահը:
Փեզեշքիանը նաև մատնանշել է ԱՄՆ-ի և արևմտյան այլ երկրների երկակի ստանդարտները, որոնք անտեսում են Գազայի հատվածում «իսրայելական վայրագությունները»։ Իրանի ռազմավարական հարցերով փոխնախագահ Մոհամմադ Ջավադ Զարիֆը NBC հեռուստաընկերությանը տված հարցազրույցում նշել է, որ Իրանը պատրաստ է համագործակցել բոլոր երկրների հետ՝ անկլավում հակամարտությունը դադարեցնելու համար։
«Մենք ցանկանում ենք շարժվել դեպի ավելի խաղաղ, ավելի կայուն աշխարհ՝ մեր քաղաքացիների և ամբողջ աշխարհի քաղաքացիների համար: Մենք պատերազմ չենք փնտրում, բայց մենք պաշտպանվելու ենք», – ասել է Զարիֆը:
Ավելի վաղ՝ սեպտեմբերի 23-ին, ՄԱԿ-ի գլխավոր քարտուղար Անտոնիո Գուտերեշը հանդիպում է ունեցել Փեզեշքիանի հետ, որտեղ նշել է Թեհրանի կարևոր դերը Մերձավոր Արևելքում իրավիճակի դեէսկալացիայի հասնելու գործում։
