Սպանդարյան գյուղի տներից մեկում հրդեհ է բռնկվել. դեպքի վայր է մեկնել 3 մարտական հաշվարկ
Սեպտեմբերի 17-ին, ժամը 04:56-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սպանդարյան գյուղի գյուղապետարանի մոտակայքում այրվում է տուն։
ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երեք մարտական հաշվարկ։
Պարզվել է, հրդեհը բռնկվել է 3-րդ փողոցի տներից մեկում․ տուժածներ չկան:
Հրդեհը մեկուսացվել է ժամը 05:57-ին, մարվել՝ 07:16-ին:
Այրվել են տանիքի փայտյա կառուցատարրերը (մոտ 24 քմ), փայտյա առաստաղը (մոտ 42 քմ), պատշգամբում ջերմահարվել է փայտյա առաստաղը (մոտ 22 քմ) և տան գույքը:
