Հայազգի ռեժիսոր Սթիվ Զայիլյանն «Էմմի» մրցանակի է արժանացել «Ռիփլի» մինի սերալի համար
Հայազգի ռեժիսոր և սցենարիստ Սթիվ Զայիլյանն «Էմմի» մրցանակաբաշխության ժամանակ ճանաչվել է լավագույն ռեժիսոր Netflix-ի «Ռիփլի» մինի սերիալի համար։ Այս մասին հաղորդում է Deadline հրատարակությունը։
Մրցանակը ստանալիս իր ելույթում Զայիլյանն իր հիացմունքն է հայտնել Իտալիայի գեղատեսիլ բնությամբ, ինչպես նաև շնորհակալություն է հայտնել իր դերասանական կազմին և նկարահանող անձնակազմին։
«Իտալիայում «Ռիփլի»-ն նկարահանելն արդեն իսկ մրցանակ էր։ Դա նման էր երազի։ Դրանից հետո ինձ այլևս ոչինչ հարկավոր չէր։ Այս աշխատանքն ինքնին մրցանակ էր, և այնուամենայնիվ, ես գնահատում են այս պատիվը և այն կիսում եմ բառացիորեն հարյուրավոր մարդկանց հետ, որոնք աշխատել են «Ռիփլի»-ի վրա», – ասել է Զայիլյանը։
Ութ մասից բաղկացած մինի սերիալը հիմնված է Պատրիսիա Հայսմիթի «Տաղանդավոր պարոն Ռիփլի» վեպի վրա։ Գլխավոր դերում հանդես է եկել իռլանդացի դերասան Էնդրյու Սքոթը։
Սեպտեմբերի 15-ին կայացած «Էմմի» մրցանակաբաշխության ժամանակ լավագույն դրամա է ճանաչվել «Սյոգուն» պատմական հեռուստասերիալը, իսկ լավագույն կատակերգություն՝ «Հնարքներ» հեռուստասերիալը։
