Կարասինն ասել է, որ ՌԴ-ն հավանում է ուկրաինական խնդրի շուրջ բանակցությունների համար «կամուրջ կառուցելու» Չինաստանի ծրագիրը
Ռուսաստանը աջակցում է Չինաստանի ջանքերին՝ ուկրաինական հակամարտությունը դադարեցնելու համար։ Ինչպես տեղեկացնում է «Lenta.ru»-ն, այդ մասին ասել է ՌԴ Դաշնային խորհրդի միջազգային հարցերով կոմիտեի նախագահ Գրիգորի Կարասինը՝ խոսելով բանակցությունների համար «կամուրջ կառուցելու» Պեկինի ծրագրերի մասին։
«Մեր գործընկերների, միջազգային ազդեցիկ խաղացողների ջանքերը, որոնք ուղղված են պայմաններ ստեղծելու խաղաղ բանակցությունների և այս ամբողջ ճգնաժամի լուծման համար, անշուշտ, ողջունելի են։ Մենք հնարավորինս կնպաստենք դրան, բայց միայն այն պայմանով, որ մյուս կողմը՝ արևմտյան աշխարհը, ՆԱՏՕ-ն և այլ կառույցներ դրականորեն ազդեն այդ իրադարձությունների զարգացման վրա»,- ասել է Կարասինը։
Ավելի վաղ Չինաստանի Ժողովրդական Հանրապետության արտաքին գործերի փոխնախարար Չեն Սյաոդոնգը հայտնել էր, որ Չինաստանը ցանկանում է «կամուրջ կառուցել» Ուկրաինայում խաղաղ բանակցությունների համար և կշարունակի աշխատել այդ նպատակին հասնելու համար։
«Չինաստանը կշարունակի խորը ներգրավվածություն ունենալ ուկրաինական ճգնաժամի շուրջ բոլոր կողմերի հետ՝ կոնսենսուս ձեռք բերելու, մարտերը դադարեցնելու և խաղաղ բանակցությունների համար կամուրջ կառուցելու համար», – ասել էր դիվանագետը:
