Հռոմի Ֆրանցիսկոս պապը մեկնարկել է իր ուղևորությունը դեպի Ասիա-խաղաղօվկիանոսյան տարածաշրջան
Հռոմի Ֆրանցիսկոս պապը ժամանել է Ինդոնեզիայի մայրաքաղաք Ջակարտա՝ մեկնարկելով իր պատմական ուղևորությունը դեպի Ասիա-խաղաղօվկիանոսյան տարածաշրջան։ Այս մասին հաղորդում է BBC-ն։
Հռոմի պապն այնուհետև կմեկնի Պապուա Նոր Գվինեա, Թիմոր Լեստե և Սինգապուր։ Ակնկալվում է, որ նրա այցը կկենտրոնանա միջկրոնական ներդաշնակության վրա։
12-օրյա ուղևորությունը ամենաերկար ժամանակահատվածն է, որ քահանայապետը կանցկացնի Վատիկանից հեռու։ Ուղևորությունը տեղի է ունենում չնայած այն բանին, որ 87-ամյա Ֆրանցիսկոս պապն ունի առողջական խնդիրներ և վերջին ամիսներին տեղաշարժվում է անվասայլակով։
