«ՌԴ-ն երկխոսություն կվարի ԱՄՆ ցանկացած հնարավոր նախագահի հետ». Մեդվեդև
Ռուսաստանը երկխոսություն կվարի ԱՄՆ ցանկացած հնարավոր նախագահի, այդ թվում՝ Դոնալդ Թրամփի հետ՝ սեփական շահերը պաշտպանելու տեսանկյունից, ասել է ՌԴ Անվտանգության խորհրդի փոխնախագահ Դմիտրի Մեդվեդևը՝ պատասխանելով ՏԱՍՍ-ի հարցին՝ Մոսկվայի համար ավելի դժվար կամ հեշտ կլինի, եթե Թրամփը հաղթի ԱՄՆ ընտրություններում։
«Մեզ համար գլխավորն այն է, որ պաշտպանենք մեր երկրի անվտանգությունն ու ինքնիշխանությունը, մենք երկխոսություն կվարենք Թրամփի կամ ցանկացած այլ նախագահի հետ»,- ընդգծել է ՌԴ Անվտանգության խորհրդի փոխնախագահը։
«Մենք չենք վախենում դժվարություններից, բայց թույլ չենք տա, որ մեզ համար ստեղծվեն նոր սպառնալիքներ և խնդիրներ, մենք կպայքարենք ամուր և անհապաղ», – վստահեցրեց Մեդվեդևը:
