Գաղտնի ծառայությունը Թրամփին խորհուրդ է տվել հանրահավաքները փակ հարթակներում անցկացնել
Հանրապետական Դոնալդ Թրամփի դեմ մահափորձից հետո ԱՄՆ Գաղտնի ծառայությունը նրան խորհուրդ է տվել հանրահավաքներ անցկացնել բացառապես փակ հարթակներում։ Դրա մասին հայտնել է The Washington Post-ը՝ վկայակոչելով աղբյուրներին։
Ըստ պարբերականի՝ հուլիսի 13-ին Փենսիլվանիայի Բաթլեր քաղաքում տեղի ունեցած հանրահավաքում մահափորձից հետո Գաղտնի ծառայության աշխատակիցները խորհուրդ են տվել Թրամփին և նրա նախընտրական շտաբին անվտանգության նկատառումներից ելնելով դադարեցնել դրսում մեծ թվով մասնակիցներով խոշոր հանրահավաքներն ու այլ միջոցառումների կազմակերպումը։
Washington Postճը գրում է, որ Հանրապետականի նախընտրական շտաբը փնտրում է մի քանի հազար հանդիսատես տեղավորելու հնարավորությամբ փակ վայրեր, մասնավորապես՝ բասկետբոլի մարզադաշտեր։ Թրամփի քարոզարշավը բացօթյա հանրահավաքներ անցկացնել չի նախատեսում։
