Ուկրաինացիների 32 տոկոսը պատրաստ է տարածքային զիջումների խաղաղության դիմաց, դեմ է 55 տոկոսը
Կիևի սոցիոլոգիայի միջազգային ինստիտուտի հարցումների համաձայն՝ ուկրաինացիների 32 տոկոսը պատրաստ է տարածքային զիջումների խաղաղության դիմաց։
Ըստ ինստիտուտի՝ նախորդ հարցումների համեմատ նրանց թիվը զգալիորեն աճել է. 2023 թվականի հարցումներով Ռուսաստանին տարածքների զիջմանը պատրաստ էր հարցվածների 19 տոկոսը։
Այնուհանդերձ մեծամասնությունը՝ 55 տոկոսը դեմ է տարածքների զիջմանը։
Վերջին հարցումներն անցկացվել են 2024թ. մայիսին և հունիսին։
