Սնուփ Դոգը կլինի Օլիմպիական կրակի ջահակիրներից մեկը
Ամերիկացի ռեփեր Սնուփ Դոգը կլինի Փարիզի Օլիմպիական խաղերի փոխանցումավազքի վերջին մասնակիցներից մեկը` մինչ Խաղերի բացման արարողությունը: Այս մասին հայտնում է France24-ը:
Սնուփ Դոգը ջահով կանցնի Փարիզի հնագույն թաղամասերից մեկով` Սենթ-Դենիսով: Նույն թաղամասում փոխանցումավազքին կմասնակցեն նաև ֆրանսիացի դերասան Լետիցիա Կաստան, ռեփեր MC Սոլարը և այլոք:
Փարիզի 33-րդ ամառային Օլիմպիական խաղերի կրակն արդեն մոտ երկու ամիս է, ինչ շրջում է ամբողջ Ֆրանսիայով մեկ: Օրեր առաջ փոխանցումավազքին մասնակցեց նաև Հայաստանի օլիմպիական հավաքականի անդամ, հրաձիգ Էլմիրա Կարապետյանը` դառնալով առաջին հայ կին ջահակիրն Օլիմպիական խաղերի ամբողջ պատմության մեջ:
Օլիմպիական խաղերի բացման պաշտոնական արարողությունը կկայանա հուլիսի 26-ին` մայրաքաղաք Փարիզի Սենա գետի ամբողջ երկայնքով:
Հայաստանն ՕԽ-ին մասնակցում է 15 մարզիկով:
