Լատվիան Հայաստանի և ԵՄ-ի միջև վիզաների ազատականացման երկխոսության մեկնարկը կարևոր քայլ է համարում

Լատվիայի գնահատմամբ՝ Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ է ԵՄ-Հայաստան հարաբերություններում։ Այս մասին նշված է Լատվիայի ԱԳ նախարարության X-ի միկրոբլոգում կատարված գրառման մեջ։

«Եվրահանձնաժողովի աջակցությամբ Հայաստանի և Եվրոպական միության միջև վիզաների ազատականացման երկխոսության մեկնարկը կարևոր քայլ է ԵՄ-Հայաստան հարաբերություններում։ Ժողովրդավարության, խաղաղության և բարգավաճման ուղղությամբ աշխատանքները կշարունակվեն»,- նշված է գրառման մեջ։