Մասկն առաջարկել է բազա ստեղծել Լուսնի վրա
Իլոն Մասկը հանդես է եկել Լուսնի վրա մշտական բնակչությամբ բազա ստեղծելու առաջարկով։ Այս մասին նա գրել է X սոցիալական ցանցում։
Մասկի SpaceX-ը մշակում և փորձարկում է Starship տիեզերանավի նախատիպը: Ակնկալվում է, որ այն կարող է անձնակազմով թռիչքներ կատարել դեպի Լուսին և Մարս:
«Մենք պետք է մշտական լուսնային բազա ստեղծենք»,-նշել է գործարարը։
Մինչ այս Մասկը հայտարարել էր, որ ժամանակն է, որ ԱՄՆ-ը նոր քայլ կատարի տիեզերական հետազոտության մեջ՝ տիեզերագնացներ ուղարկելով Մարս։
