Երևանում՝ բնակչի տան բակում, հրդեհ է բռնկվել
Երեկ՝ հուլիսի 20-ին, արտակարգ դեպք է տեղի ունեցել Երևանում։ Ժամը 10։30-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Ոսկանյան փողոցի թիվ 54 տան բակում հրդեհ է բռնկվել։
Ինչպես հայտնում է shamshyan.com-ը, դեպքի վայր է ժամանել Երևանի թիվ 7-րդ հրշեջ-փրկարարական ջոկատից 1 մարտական հաշվարկ։ Մինչ հրշեջների ժամանումը կրակի տարածման դեմ պայքարել են քաղաքացիները, ապա ժամանած հրշեջները նախ կանխել, հետո մեկուսացրել են և մարել են հրդեհը։ Պարզվել է, որ այրվել է կենցաղային աղբ։
Ըստ նախնական տեղեկությունների հրդեհի հետևանքով տուժածներ չկան։
