Տղամարդը հետախուզվում էր փաստաթղթեր կեղծելուն հանցակցելու մեղադրանքով
![](https://168.am/wp-content/uploads/2024/07/timthumb-1-1.jpg)
Ոստիկանության Ապարանի բաժնի հերթապահ մասի ծառայողների ձեռնարկած միջոցառումների արդյունքում հուլիսի 15-ին Ապարան քաղաքի Բաղրամյան փողոցում հայտնաբերվել և բաժին է տեղափոխվել 45-ամյա Արտակ Ա.-ն, որը հունիսի 12-ից ոստիկանության Մալաթիայի բաժնի կողմից հետախուզվում էր ՀՀ քրեական օրենսգրքի 46-457-րդ հոդվածի (Փաստաթղթեր, դրոշմներ, կնիքներ, ձևաթղթեր կեղծելուն կամ կեղծ փաստաթղթեր, դրոշմներ, կնիքներ, ձևաթղթեր իրացնելուն, պատրաստելուն կամ օգտագործելուն հանցակցելը) մեղադրանքով:
Նա ներկայացվել է ոստիկանության Մալաթիայի բաժին:
Խափանման միջոցը՝ բացակայելու արգելք։