Թուրքիայում զբոսաշրջիկներին տեղափոխող ավտոբուսի վթարի հետևանքով կա 2 զոհ, 28 տուժած
Թուրքիայի Մուղլա նահանգում զբոսաշրջային ավտոբուսի վթարի հետևանքով երկու մարդ է մահացել: Տեղեկությունը հայտնում է ՌԻԱ Նովոստին՝ հղում անելով IHA գործակալությունը։
«Մեկօրյա շրջագայության մեկնած տեղացիներին տեղափոխող ավտոբուսը Աքյակա քաղաքում բախվել է կայանված երեք ավտոմեքենայի և կանգ է առել միայն տան պատին հարվածելուց հետո։ Ավտոբուսի մի քանի ուղևորներ դուրս են թռել վթարված տրանսպորտային միջոցից, մի քանիսը հայտնվել են սեղմված վիճակում», – ասվում է հաղորդագրության մեջ։
Նշվում է, որ խափանվել են ավտոբուսի արգելակները։ Նախնական տվյալով ՝ վթարի զոհ է դարձել երկու մարդ, 28-ը տուժել են, որոնցից չորսի վիճակը ծանր է:
