Աշոտյանի պարագայում իշխանությունն իր հաշվարկներում միգուցե սխալվեց. Խոսրով Հարությունյան
Արմեն Աշոտյանի խափանման միջոցը փոխելն արդիական խնդիրէ, լրագրողների հետ զրույցում ասաց ՀՀ նախկին վարչապետ Խոսրով Հարությունյանը։
Նրա համոզմամբ՝ դա պետք է նաև իշխանություններին։
«Ես անձամբ երաշխավորագիր եմ ներկայացնելու դրա համար։ Ես երկար տարիներ է՝ ճանաչում եմ Աշոտյանին։ Նա սկզբունքներ ու մեծ կամային հատկություններ ունեցող անձնավորություն է։ Կարծում եմ՝ Աշոտյանը և նրա նմանները կարող են մեր քաղաքական համակարգն առողջացնել»։
Հարցին՝ արդյո՞ք իշխանությունները, Արմեն Աշոտյանին կալանավորելով, իրենց առջև դրված խնդիրը կատարեցին, իրենց ապահովագրեցին, քանի որ Աշոտյանը շարունակում է բանտից գնահատականներ տալ իշխանություններին, Հարությունյանը պատասխանեց. «Միգուցե, Աշոտյանի հարցում իշխանությունները սայթաքեցին»։
