Վարդավառը որոշ վարորդների համար վերածվել է «մղձավանջի». «Հրապարակ»
«Հրապարակ» թերթը գրում է. «Վարդավառը որոշ վարորդների համար տոնից վերածվել է «մղձավանջի»։
Հուլիսի 7-ին, ՀՀ ՆԳՆ ոստիկանության պարեկային ծառայության աշխատակիցները հանրապետության ողջ տարածքում ուժեղացված ծառայություն են իրականացրել եւ «հայտնաբերել» 3300 իրավախախտում, 125 հոգին եղել է ոչ սթափ վիճակում, 140 անձ մեքենան վարել է մգեցված ապակիներով, 255 հոգի գերազանցել է արագությունը, 813 վարորդ մեքենան վարել է առանց ամրագոտու, վարելու ընթացքում ծխելու համար տուգանվել է 65 հոգի, հեռախոսով խոսելու համար՝ 64։
Կան նաեւ այլ իրավախախտումներ։
Տուգանային հրապարակ է տեղափոխվել 79 մեքենա։
Հիշեցնենք, որ կիրակի օրը հայերը նշում էին Հայ առաքելական եկեղեցու հինգ տաղավար տոներից մեկը՝ Քրիստոսի պայծառակերպության տոնը կամ Վարդավառը»:
