Իրանում Ռուսաստանի հետ ռազմատեխնիկական համագործակցության խոչընդոտներ չեն տեսնում
Իրանի և Ռուսաստանի ռազմատեխնիկական համագործակցությունը շարունակվում է, դրա համար որևէ խոչընդոտ չկա։ Այս մասին հայտնել է Իրանի հոգևոր առաջնորդ, այաթոլա Ալի Խամենեիի խորհրդական և Իրանի միջազգային հարաբերությունների ռազմավարական խորհրդի ղեկավար Քամալ Խարազին Financial Times թերթի հարցազրույցում։
«Իրանի և Ռուսաստանի միջև սպառազինությունների վերաբերյալ գործարքների կնքման խոչընդոտներ չկան»,- նշել է Խարազին։ Նրա խոսքով՝ Թեհրանն արդեն բանակցություններ վարել է ռուսական կործանիչներ ձեռք բերելու մասին։ «Իսկ առաջիկայում մենք պետք է ստորագրենք նրանց [Ռուսաստանի] հետ ռազմավարական համապարփակ համաձայնագիր»,- ավելացրել է խորհրդականը։
Խարազին նաև հերքել է հերթական մեղադրանքներն Իրանի հասցեին Ռուսաստանին անօդաչուներ վաճառելու մեջ՝ ընդգծելով, որ դրանք սուտ են։
