Օրբանը չհայտարարված այցով ժամանել է Կիև
Հունգարիայի վարչապետ Վիկտոր Օրբանը նախապես չհայտարարված այցով այսօր ժամանել է Կիև։
Հունգարիայի վարչապետի մամուլի քարտուղար Բերտալան Հավասիի փոխանցմամբ, Օրբանը բանակցություններ կվարի Ուկրաինայի նախագահ Վլադիմիր Զելենսկու հետ, իսկ քննարկման ամենակարևոր թեման, ըստ Հավասի, «խաղաղության հնարավորությունն է»։
Ուկրաինայի նախագահն ու Հունգարիայի վարչապետը կքննարկեն նաև երկկողմ հարաբերությունների ընթացիկ հարցեր։
Ուկրաինական կողմն Օրբանի այցի մասին նախօրոք չի հայտարարել։
Այցի նախօրեին հունգարական Index-ին տված հարցազրույցում Օրբանն ասել է, որ Կիևում կանի «խաղաղության տանող առաջին քայլերը»։
Telex-ն էլ գրել է, թե Հունգարիայի վարչապետի այցը Կիև գաղտնի է, Օրբանի և Զելենսկու հանդիպմանը որևէ համաձայնագիր չի ստորագրվի։
