Հայաստանի բասկետբոլի ընտրանին կմասնակցի 3×3 Եվրոպայի առաջնության ընտրական փուլին
Հայաստանի բասկետբոլի տղամարդկանց թիմը կմասնակցի Եվրոպայի 3×3 առաջնության որակավորման փուլին: Այս մասին հայտնում է Հայաստանի բասկետբոլի ֆեդերացիան:
Հայաստանի տղամարդկանց հավաքականն ընդգրկվել է 1-ին ենթախմբում, որտեղ նրա մրցակիցները կլինեն 8 թիմեր: Հայ բասկետբոլիստներն ուժերը չափելու են Կոսովոյի, Ալբանիայի, Անդորրայի, Ադրբեջանի, Կիպրոսի, Իռլանդիայի, Լյուքսեմբուրգի և Մալթայի ընտրանիների հետ:
1-ին ենթախմբի հանդիպումները կայանալու են հունիսի 8-ից 9-ը Կոսովոյում:
Գլխավոր մարզիչ Արեգ Վաթյանի գլխավորությամբ մրցավայր կմեկնեն հետևյալ խաղացողները՝ Յուրա Մելիքյան, Տիգրան Մկրտումյան, Սամվել Գևորգյան, Մարատ Միքայելյան:
