Սանկտ Պետերբուրգում ավտոբուսն ընկել է գետը․ կա 3 զոհ
Սանկտ Պետերբուրգի կենտրոնում մարդատար ավտոբուսն ընկել է Մոյկա գետը, որի հետևանքով 3 մարդ մահացել է, 6-ը՝ հոսպիտալացվել։ Այս մասին հաղորդում է ՏԱՍՍ գործակալությունը։
Միջադեպը տեղի է ունեցել Մոսկվայի ժամանակով մոտավորապես ժամը 13։00-ին։ Նշվում է, որ վարորդը կորցրել է ավտոբուսի կառավարումը։
Փրկարարական աշխատանքներին մասնակցում է գրեթե 70 մարդ։
Հարուցվել է քրեական գործ։
