Թրամփը Պենտագոնի ղեկավարին համեմատել է նոութբուքով խաղացող երեխայի հետ
ԱՄՆ նախկին նախագահ Դոնալդ Թրամփը Պենտագոնի ղեկավար Լլոյդ Օսթինին, որը հունվարի սկզբին հոսպիտալացվել էր, համեմատել է նոութբուքով խաղացող երեխայի հետ։
«Նա [Օսթինը] նոութբուքից օգտվում է հիվանդանոցի մահճակալին պառկած, ղեկավարում է ռազմական գործողություններ նոութբուքով, ինչպես երեխան, որը խաղում է նոութբուքով»,- ասել է Թրամփը Նյու Հեմփշիրում, որտեղ հունվարի 23-ին կայանալու են նախագահի Հանրապետական կուսակցության թեկնածուների առաջին փրայմերիզները։
Օսթինը հունվարի 1-ի երեկոյան հոսպիտալացվել է Ոուոլթեր Ռիդի կենտրոն, իսկ հունվարի 2-ին նրա որոշ լիազորություններ փոխանցվել են նրա տեղակալ Քեթլին Հիքսին։ Հունվարի 9-ին հրապարակված բուժկենտրոնի հայտարարությունում նշվել է, որ մասնագետները 2023թ. դեկտեմբերին նախարարի մոտ շագանակագեղձի քաղցկեց են ախտորոշել, հունվարի 1-ին նրան հոսպիտալացրել են բարդությունների պատճառով եւ վիրահատել։ Հունվարի 12-ին Պենտագոնի մամուլի ծառայությունը տեղեկացրել է, որ նա դուրս է գրվել։
ԱՄՆ Կոնգրեսի անդամները Օսթինից պահանջել են բացատրել, թե ինչու Պենտագոնը ժամանակին չի տեղեկացրել հանրությանն ու իշխանություններին հոսպիտալացման մասին։ Պենտագոնի գլխավոր տեսչի աշխատասենյակը տեղեկացրել է, որ կստուգի Օսթինի հոսպիտալացման հանգամանքները։
