«Տխմարներ, ամեն ինչ վաղուց ավարտված կլիներ». Ի՞նչ է ասել Պուտինը
Ուկրաինան «ձախողեց իր հակահարձակումը», իսկ եթե երկրի ներկայիս իշխանությունների քաղաքականությունը շարունակվի, «ուկրաինական պետականությունը կարող է անդառնալի հարված կրել»։
Այսպիսի հայտարարություն է արել ՌԴ նախագահ Վլադիմիր Պուտինը։
Կրեմլի առաջնորդն ընդգծել է, որ ոչ ոք երբևէ ոտնձգություն չի կատարել «Ուկրաինայի անկախության» նկատմամբ։
Նրա բնութագրմամբ, «Ուկրաինայի բնակիչների ուղեղը կոմպոստացվել է»։
Ուկրաինայի նախագահ Վլադիմիր Զելենսկու խաղաղության բանաձեւը, որը քննարկվում է Կիեւում, փաստացի արգելում է շփումները Ռուսաստանի հետ, հիշեցրել է Պուտինը։
«Տխմարներ, ամեն ինչ վաղուց ավարտված կլիներ»,- հայտարարել է ՌԴ նախագահը՝ մեկնաբանելով բանակցություններից Ուկրաինայի հրաժարվելը։
