Ինչու են Հայաստանում դեղերը թանկ
Առողջապահության նախարար Անահիտ Ավանեսյանն անդրադարձել է Հայաստանում դեղերի թանկացման խնդրին՝ պարզաբանելով, թե երկրում դեղերի նկատմամբ գործում է ԱԱՀ, որն ավելի բարձր է, քան Վրաստանում.
«Հայաստանը փոքր շուկա է, և դեղորայքային կազմակերպությունների՝ տվյալ շուկայում լինելու գնային քաղաքականությունը տարբերվում է մեծ շուկաներից։ Կան մի շարք հանգամանքներ, որոնք ինչ-որ առումով նպաստում են որոշ դեղերի գների բարձրացմանը»։
Նրա խոսքով՝ պարտադիր ապահովագրական համակարգի ներդրումը կազդի դեղերի գների վրա, և շատ ավելի մատչելի, մրցակցային գներով ձեռք կբերվեն դրանք, որի արդյունքում պետությունն ու քաղաքացին ավելի քիչ կվճարեն։
Նա նաև տեղեկացրել է, որ Հայաստանում դեղերի արժեքներում որևէ փոփոխություն առաջիկայում չի նախատեսվում։
