ԼՂ բենզինի պահեստի պայթյունից տուժած մեկ անձ դեռ ծանր վիճակում է. Ավանեսյան
ՀՀ առողջապահության նախարար Անահիտ Ավանեսյանն այսօրվա ասուլիսում՝ անդրադառնալով ԼՂ-ում բենզինի պահեստի պայթյունից տուժած քաղաքացիների առողջական վիճակին, ասել է, որ այս պահին Այրվածքաբանության ազգային կենտրոնում կա մեկ պացիենտ, որը գտնվում է ծանր վիճակում, մնացած բոլորն արդեն դուրս են գրվել և շարունակում են ամբուլատոր պայմաններում ստանալ անհրաժեշտ բուժօգնություն։
Նրա խոսքով, արտերկրում բուժման մեկնած քաղաքացիներն արդեն ետ են վերադառնում.
«Ուրախությամբ պետք է նշեմ, որ բավական լավ արդյունքներ ունենք, և շարունակելու են իրենց բուժումն այստեղի մասնագիտացված կենտրոններում»։
