Ռիսկի դիմեք, հետևեք ձեր խոսքին, զգույշ եղեք ֆինանսական հարցերում. ի՞նչ է խոստանում շաբաթը

Ինչի՞ն պետք է ուշադրություն դարձնել առաջիկա շաբաթվա ընթացքում

Ռուսական 5-tv.ru կայքը հրապարակել է առաջիկա շաբաթվա՝ հունվարի 8-14-ի կանխատեսումները՝ ըստ չինական «Բացզի» համակարգի, որը թարգմանաբար նշանակում է՝ «Ճակատագրի 8 հիերոգլիֆները»:

Շաբաթը խոստանում է բավականին հաճելի լինել, չնայած այն հանգամանքին, որ սկսվել էր բավականին ոչ աչքի ընկնող ձևով: Եթե ինչ-որ կարևոր բան եք պլանավորում անել, ընտրեք ուրբաթը կամ հինգշաբթին: Չորեքշաբթին ու կիրակին բացասական օրեր են: Այդ օրերին աշխատեք շատ բան չձեռնարկել: Իսկ մնացած օրերն առօրյան միապաղաղ հոգսերի համար բավականին պիտանի օրեր են:

Եվ այսպես՝ ի՞նչ է խոստանում շաբաթը

Երկուշաբթի, 2024թ. հունվարի 8

Մետաղական Այծի օրն է: Հարմար չէ կոնկրետ որևէ գործ ձեռնարկելու համար: Եթե այդ օրը մխրճվեք տարբեր գործերի մեջ, կարող եք սխալվել, պայմանագրերի հաշվարկներում անճշտություններ թույլ տալ ու հանդիպել տարընթերցումների մարդկանց հետ փոխհարաբերություններում:

Օրը կարելի է բնութագրել՝ որպես գլխիվայր օր: Երկուշաբթի էներգիայի համալրում ստանալու մասին կարող եք անգամ չմտածել, եթե, իհարկե, նպատակ չունեք ինչ-որ բան արմատապես փոխել: Փոփոխությունների համար բարենպաստ օր է:

Օրվա խորհուրդը՝ խուսափեք կոնֆլիկտներից, մի տրվեք կրքի կամ զայրույթի պոռթկումներին: Գտեք հովանավորներ: Նոր նախագծեր սկսելու ժամանակը չէ:

Երեքշաբթի, 2024թ. հունվարի 9

Ջրային կապիկի օրն է: Չինացի վարպետները նման օրն իդեալական են համարում հուղարկավորության համար. Չինաստանում հատուկ ուշադրություն է դարձվել այս արարողության ամսաթվերի ընտրությանը:

Եթե ​​օրվա այլ պլաններ ունեք, մի փոքր ավելի զգույշ եղեք մարդկանց հետ շփվելիս. խաբեության կամ դավաճանության վտանգ կա։ Փորձեք չշտապել գործերի մեջ, քանի որ շտապողականությունը կարող է երկարաժամկետ հեռանկարում փչացնել ձեր գործերը:

Օրվա խորհուրդը՝ զարգացրեք ձեր առաջնորդական ունակությունները: Լսեք ձեր դաստիարակներին: Ռիսկի դիմեք և հաղթահարեք խոչընդոտները։ Մարդիկ կգնահատեն դա։

Չորեքշաբթի, 2024թ. հունվարի 10

Ջրային աքլորի օրն է: Այն բոլորովին պիտանի չէ որևէ տեսակի պայմանավորվածության։ Դրանք կարող են չեղարկվել և վերանայվել: Եվ եթե այս օրն ինչ-որ գործ սկսեք, վտանգ կա, որ այն կշեղվի, քանի որ սա կործանողի օրն է։ Այս օրվա էներգիաների լավագույն օգտագործման ձևը սովորական, ամենօրյա գործերն են, որոնք սկսվել են ավելի վաղ: Կարող եք նաև որոշ գործընթացներ հաջողությամբ ավարտին հասցնել:

Օրվա խորհուրդը՝ հասեք ձեր նպատակներին հարմարվողականության միջոցով: Նախաձեռնողականություն մի ցուցաբերեք։ Դանդաղ, բայց կայուն առաջընթացը կբերի հաջողության:

Հինգշաբթի, 2024թ. հունվարի 11

Փայտե Շան օրն է: Նման օրերին կարող եք բիզնես սկսել և հույս դնել հետագա հաջողությունների վրա, լավ է նոր ու կարևոր բանի հիմք դնելու համար։ Բացի այդ, Ճագարի հեռացող տարվա այս վերջին Նորալուսինը հիանալի ժամանակ է ապագայի մասին մտածելու և երազանք պահելու համար:

Օրվա խորհուրդը՝ ակտիվ գործողությունների մի դիմեք։ Նահանջը և այլ մարդկանց հետ շփվելը ձեռնտու կլինի:

Ուրբաթ, 2024թ. հունվարի 12

Փայտե Խոզի օրն է: Հիանալի օր է շատ գործերի՝ հողային աշխատանքներ, հիմք դնելու, համաձայնագրերի, բանակցությունների և պայմանագրերի ստորագրման համար: Փորձեք օգտվել այս օրվա էներգիայից: Եթե ​​դժվարություններ առաջանան, լսեք ձեր ինտուիցիային։

Օրվա խորհուրդը՝ դուք դանդաղ և անշեղորեն բարձրանում եք արևածագի հետ: Հարձակվելու ժամանակն է: Վերևից օրհնություն կստանաք:

Շաբաթ, 2024թ. հունվարի 13

Հրե առնետի օրն է: Այս օրվա գործերը լավ կավարտվեն, իսկ խնդրանքները կբավարարվեն. գլխավորը ճիշտ ժամանակ ընտրելն է։ Եթե վատ եք զգում Ձեզ, առողջական խնդիր ունեք, շաբաթ օրը ձեր ինքնազգացողությունը կարող է վատթարանալ: Վիրուսով վարակվելու ռիսկը նույնպես մեծանում է, այնպես որ, զգույշ եղեք առողջության հարցում։

Օրվա խորհուրդը՝ ավելի շատ ուշադրություն դարձրեք ձեր սննդի աղբյուրին։ Հետևեք Ձեր խոսքին: Իմաստուն մարդն առաքինություն է սփռում:

Կիրակի, 2024թ. հունվարի 14

Հրե Ցուլի օրն է: Բացասական օր է, որը ռիսկային է գումար կորցնելու առումով: Զգույշ եղեք ֆինանսական հարցերում։ Այնուամենայնիվ, ուսումնասիրությունների և քննությունների ժամանակ կարող եք հույս դնել էներգիաների աջակցության վրա: Խոշոր նախագծեր սկսելու իմաստ չկա:

Օրվա խորհուրդը՝ ենթարկվեք իրերի անխուսափելի ընթացքին։ Գնացեք նվազագույն դիմադրության ճանապարհով:

Հրապարակման պատրաստեց 168.am-ը