Երևանում տրոլեյբուսում հրդեհ է բռնկվել, ինչից հետո այն բախվել է Պարեկային ծառայության ավտոմեքենային. Shamshyan.com
Քիչ առաջ արտակարգ դեպք է տեղի ունեցել Երևանում։ Դեռևս անհայտ հանգամանքներում, Սեբաստիա փողոցում, հրդեհ է բռնկվել Երևանի քաղաքապետարանի հաշվեկշռում հաշվառված տրոլեյբուսում, ինչից հետո տրոլեյբուսը բախվել է Պարեկային ծառայության ավտոմեքենային։
Ինչպես դեպքի վայրից հայտնում է shamshyan.com-ը, կրակը տեսանելի է մի քանի հարյուր մետրից։ Նրա տեղեկություններով՝ երբ տրոլեյբուսում հրդեհ է բռնկվել, պարեկները մոտեցել են և վարորդների ու քաղաքացիների անվտանգությունն ապահովելու համար սահմանազատել տարածքը։ Այդ ժամանակ էլ տրոլեյբուսը հետընթաց է կատարել ու բախվել Պարեկային ծառայության ավտոմեքենային։
Դեպքի վայր են ժամանել Փրկարար ծառայության Երևանի հրշեջ-փրկարարկան ջոկատներից 2 մարտական հաշվարկ և շտապօգնության բժիշկների հերթապահ խումբը։
Այլ մանրամասներ առայժմ չեն հաղորդվում։
