Նշվել է տարեկան մրսածությունների թիվը, որի դեպքում անհրաժեշտ է դիմել բժշկի
Տարեկան մինչև վեց անգամ հարբուխ ունենալը նորմալ է, բայց եթե ավելի շատ եք ունենում, պետք է բժշկի դիմեք և ստուգեք ձեր իմունիտետը, ըստ shantnews-ի՝ ասել է վարակաբան Անդրեյ Պոզդնյակովը։ Նրա խոսքերը մեջբերում է «Известия»-ն։
Բժիշկը ուշադրություն է հրավիրել այն փաստի վրա, որ թուլացած իմունային համակարգ ունեցող մարդիկ կարող են տարեկան տասը անգամ կամ ավելի հաճախ հիվանդանալ սուր շնչառական վարակներով։
Նույնիսկ մեղմ մրսածությունը, նրա խոսքով, վտանգավոր է տարբեր իմունային անբավարարություններ ունեցող հիվանդների համար, օրինակ՝ ՄԻԱՎ-ի դեպքում: Նա նաև նշել է, որ քաղցկեղով, էնդոկրին հիվանդություններով, թոքերի և սրտի հիվանդություններով հիվանդների մոտ վիրուսային վարակները խորացնում են խրոնիկական հիվանդության ընթացքը։
Վարակաբանի խոսքով, սուր շնչառական հիվանդությունները պետք է բուժվեն՝ կախված ախտանիշներից: Թեթև մրսածության դեպքում պետք է մնալ տանը, քթի խոռոչը ողողել աղային լուծույթներով, իսկ եթե բարձր ջերմություն ունեք՝ հակաջերմային դեղեր ընդունեք։
Վարակաբանը խորհուրդ է տվել նաև առանց բժշկի ցուցման հակաբիոտիկներ չընդունել։
