Քաղբանտարկյալ Մամիկոն Ասլանյանը կշարունակի մնալ կալանավորված. դատավոր Դադոյանը մերժեց միջնորդությունը
Երեկ Հակակոռուպցիոն դատարանում ` դատավոր Սարգիս Դադոյանի նախագահությամբ, քննվում էր Վանաձորի ընտրված համայնքապետ, քաղբանտարկյալ, շուրջ 2 տարի ապօրինի կալանավորված Մամիկոն Ասլանյանի պաշտպանական թիմի միջնորդությունը` վերջինիս խափանման միջոցի փոփոխության վերաբերյալ։ Դատական նիստից հետո, որի ընթացքում խոսեց նաև Մամիկոն Ասլանյանը, վերջինիս պաշտպան Արտակ Ոսկանյանը 168.am–ի հետ զրույցում ասաց` իրենք համաձայն են կալանքի հետ չառնչվող ցանկացած խափանման միջոցի հետ։
Որոշումը հրապարակվեց այսօր` ժամը 11:00-ին։
Դատարանը որոշեց մերժել միջնորդությունը։ Քաղբանտարկյալ Մամիկոն Ասլանյանը կշարունակի մնալ կալանավորված։
