«Պայթյունը տեղի է ունեցել Ստեփանակերտից դուրս, դեպի Ասկերան գնացող ճանապարհին. հավանաբար կան զոհեր». Մետաքսե Հակոբյան
Քիչ առաջ տեղեկատվություն տարածվեց, որ Ստեփանակերտում բենզալցակայանի հատվածում տեղի է ունեցել պայթյուն, որի հետևանքով կան զոհեր։
168.am-ի հետ լուրը հաստատեց Արցախի Հանրապետության «Արդարություն» խմբակցության պատգամավոր Մետաքսե Հակոբյանը և մանրամասնեց.
«Պայթյունը տեղի է ունեցել Ստեփանակերտից դուրս, դեպի Ասկերան գնացող ճանապարհին, որտեղ կան բենզինի պահեստներ։ Մարդիկ գնացել են այնտեղ, որպեսզի բենզին ստանան, պայթյուն է եղել, հավանաբար կան զոհվածներ, սակայն այս պահին հստակ որևէ բան չենք կարող ասել ոչ զոհվածների, ոչ նրանց թվի վերաբերյալ»։
