56-ամյա օտարերկրյա քաղաքացին հետախուզվում էր ԱՄՆ Ինտերպոլի կողմից
Ոստիկանության «Զվարթնոց» օդանավակայանի գծային բաժնի ծառայողների ձեռնարկած միջոցառումների շնորհիվ սեպտեմբերի 24-ին Սանկտ Պետերբուրգ-Երևան չվերթի ինքնաթիռի ժամանումից հետո ձերբակալվել և գծային բաժին է տարվել 56-ամյա օտարերկրյա քաղաքացի: Նա հունիսի 29-ից ԱՄՆ Ինտերպոլի կողմից հետախուզվում էր հոգեմետ դեղեր ապօրինի տարածելու մեղադրանքով:
Խափանման միջոցը՝ կալանք:
Հայտնաբերման մասին հայտնվել է ՀՀ Ինտերպոլի ԱԿԲ և դատախազությանը:
