Շախմատիստ Արսեն Դավթյանը դարձել է շախմատի Եվրոպայի Մ18 տարեկանների առաջնության ոսկե մեդալակիր
Հայաստանի շախմատի երիտասարդական թիմի անդամ Արսեն Դավթյանը դարձել է Եվրոպայի Մ18 տարեկանների առաջնության չեմպիոն:
Շախմատի Եվրոպայի պատանիների տարբեր տարիքային խմբերի առաջնությունն անցկացվում է Ռումինիայի Մամայա քաղաքում: Այս օրերին ընթացող առաջնության Մ18 տարեկանների տղամարդկանց պայքարում Արսեն Դավթյանն առաջին խաղափուլում պարտվելուց հետո 8 անընդմեջ հաղթանակ տարավ՝ 9 հնարավորից վաստակելով 8 միավոր: Դավթյանը այս արդյունքով դարձավ Եվրոպայի առաջնության ոսկե մեդալակիր:
Հայ շախմատիստին հաջորդում են ադրբեջանցի և նորվեգացի մարզիկները:
Հայաստանի մյուս ներկայացուցիչ Էմիլ Օհանյանը մրցաշարային աղյուսակում 4-րդն է:
