Մագնուս Կարլսենը թունավորվել է Բաքվում
Շախմատի աշխարհի 16-րդ չեմպիոն Մագնուս Կարլսենը հայտարարել է, որ թունավորել է Բաքվում ընթացող աշխարհի գավաթի խաղարկության կիսաեզրափակիչ փուլում՝ Նիջաթ Աբասովի դեմ խաղից հետո։
Շախմատի միջազգային ֆեդերացիայի (ՖԻԴԵ) մամուլի ծառայությունից հայտնում են, որ նորվեգացի գրոսմայստերը երեկ ոչ-ոքի է խաղացել 18-ամյա հնդիկ Ռամեշբաբու Պրագնանանդհայի հետ Բաքվում կայացած աշխարհի գավաթի եզրափակչի առաջին պարտիայում։ Երկրորդ պարտիան կկայանա այսօր՝ օգոստոսի 23-ին։
«Նորմալ իրավիճակում, հավանաբար, ես մի փոքր առավելություն կունենայի, քանի որ մեկ օր կհանգստանայի, մինչդեռ նա (Ռամեշբաբուն,- խմբ.) երեկ պետք է ծանր թայ-բրեյք խաղար։
Բայց վերջին մի քանի օրում ես բավականին վատ վիճակում էի: Աբասովի հետ խաղալուց հետո սննդային թունավորում ունեցա։ Վերջին երկու օրվա ընթացքում չէի կարող ուտել», – Կարլսենի խոսքերն է մեջբերում ՖԻԴԵ-ի մամուլի ծառայությունը:
