Սուեզի ջրանցքում երկու լցանավ է բախվել
Սուեզի ջրանցքում բախվել է երկու լցանավ, որոնցից մեկն այնուհետև տեղափոխվել է ստուգման։ Այս մասի տեղեկացնում է Reuters գործակալությունը։
Բախվել են Կայմանյան կղզիների դրոշի տակ նավարկող Burri լցանավը և Սինգապուրի դրոշի տակ նավարկող BW Lesmes լցանավը, որը փոխադրում էր հեղուկացված բնական գազ։
Ըստ Reuters-ի՝ ջրանցքով նավարկությունը շարունակվում է սովորականի նման։
Սուեզի ջրանցքը աշխարհում ամենազբաղված ջրային ուղիներից մեկն է և Եվրոպայի ու Ասիայի միջև ամենակարճ ջրային ճանապարհը։ Աշխարհում ապրանքների շուրջ 12 %-ն անցնում է այս ջրանցքով։
