Առաջիկա օրերին Արցախում կրկին արձանագրվելու է հացի որոշակի սղություն. Արցախի ամենամեծ ալրաղացի էլեկտրամատակարարման համակարգում խոշոր վթար է եղել
Հաշվի առնելով Արցախի ամենամեծ ալրաղացի էլեկտրամատակարարման համակարգում տեղի ունեցած խոշոր վթարը՝ առաջիկա օրերին Արցախում կրկին արձանագրվելու է հացի որոշակի սղություն: Այս մասին հայտնում է ԱՀ Գյուղի և գյուղատնտեսության աջակցության հիմնադրամը։
«Պատկան մարմինները հնարավորինս անում են խնդիրն արագորեն շտկելու ուղղությամբ, և մի քանի օրվա մեջ ալյուրի անհրաժեշտ ծավալի մատակարարումը կվերականգնվի:
Խնդրում ենք հնարավորինս խնայողաբար կատարել հացի գնումները և օգտագործել հացեղեն»,- նշված է հաղորդագրությունում:
