Արմեն Աշոտյանը ծանոթացել է ձայնագրության կեսին. լուրջ հակասություններ է հայտնաբերել գրավորի և բանավորի միջև. Տիգրան Աթանեսյան
Հակակոռուպցիոն դատարանում հետաձգվեց ՀՀԿ փոխնախագահ Արմեն Աշոտյանի խափանման միջոցը փոխելու վերաբերյալ դատական նիստը. այն կվերսկսվի 18:30-ին:
168.am-ի հարցին, թե ինչու նիստը դարձյալ հետաձգվեց, Արմեն Աշոտյանի պաշտպան, փաստաբան Տիգրան Աթանեսյանը պատասխանեց․ «Հարցաքննությունների տեսաձայնագրություններ կան, որտեղ նաև հրապարակվում են այդ ներքին, արտաքին դիտումները, պարոն Աշոտյանը կարողացել է քրեակատարողական հիմնարկի պայմաններում ծանոթանալ կեսին, իր խոսքերով՝ հայտնաբերել է լուրջ հակասություններ գրավորի և բանավորի միջև։ Հետևաբար, անհրաժեշտություն կա դրանք մինչև վերջ դիտելու: Այդ պատճառով դատարանի դահլիճում տեղադրվեց համակարգիչ, և նիստը հետաձգեցին մինչև 18։30, որ Արմեն Աշոտյանը հասցնի ծանոթանալ»։
Մեր հստակեցմանը՝ արդյո՞ք դա տեխնիկապես հնարավոր է, Տիգրան Աթանեսյանը արձագանքեց․ «Այո, քննչական կոմիտեն նոր՝ երևի Սնուփ Դոգի լափթոփներից ուղարկել է»։
