Բժիշկը զգուշացրել է ջուր խմելու՝ կյանքին սպառնացող ձևի մասին
Կարճ ժամանակահատվածում չափից շատ ջուր խմելը սպառնում է ուղեղային այտուցով, զգուշացրել է բժիշկ Յուջին Վորթսմանը։ Նա People-ին տված հարցազրույցում խոսել է ջուր խմելու՝ կյանքին սպառնացող ձևի մասին։
Ջրային թունավորումը կամ հիպերհիդրիան հնարավոր է, երբ մարմինը ավելի շատ ջուր է ընդունում, քան կարող է վերամշակել, այսինքն՝ ժամում մեկ լիտրից ավելի: Եթե շատ ջուր խմեք շատ արագ, օրգանիզմը կդադարի նորմալ գործել։ Այս պարագայում խախտվում է էլեկտրոլիտների հավասարակշռությունը։
«Այն, թե ինչպես են աղը, կալիումը և կալցիումը գործում օրգանիզմում, ազդում են նյարդերի, մկանների և ուղեղի աշխատանքի վրա։ Եթե աղի մակարդակը կտրուկ իջնում է, ապա հիպոնատրեմիան հանգեցնում է այս ամենի դիսֆունկցիայի»,- ըստ shantnews-ի՝ ասել է նա։
Նա նշել է վատագույն սցենարը։
«Սկսվում է ուղեղի այտուցվածություն: Ամեն ինչ կարող է շատ արագ ավարտվել»,- ասել է նա։
Ջրից թունավորման վաղ ախտանշաններն են՝ սրտխառնոց, փսխում, ցնցումներ, թուլություն, գիտակցության մթագնում:
Բժիշկը խորհուրդ է տվել օրվա ընթացքում ջուր խմել քիչ-քիչ․ կանանց համար՝ 2,5 լիտր, տղամարդկանց՝ 3,5 լիտր։
