«Քիչ առաջ մեր շենքի միակ «աշխատող» վերելակն ընկավ 1-ին հարկ. Ներսում եղած կինը վնասվածքներ ստացավ, բայց, բարեբախտաբար, ողջ մնաց»
Հաշմանդամություն ունեցող անձանց խնդիրներով զբաղվող «Ունիսոն» հ/կ նախագահ Արմեն Ալավերդյանը ֆեյսբուքյան իր էջում գրում է. «Քիչ առաջ 4 կամ 5-րդ հարկից մեր շենքի միակ «աշխատող» վերելակն ընկավ 1-ին հարկ։ Ներսում եղած կինը վնասվածքներ ստացավ, բայց, բարեբախտաբար, ողջ մնաց։
Սա կարդացողներից կա՞ն մարդիկ և/կամ կազմակերպություններ, որոնք լուծում կտան այս հարցին, թե՞ սպասենք այլ՝ ավելի տխուր պատահարների։ Էլ չեմ ասում իմ մասին (սայլակով 10-րդ հարկից իջնել-բարձրանալը դաժան է)…
Ոստիկանությունը և փրկարարները տեղում են, բայց այս խնդրին հիմնավոր լուծում պետք է տալ»։
