Արայիկ Հարությունյանի կինը և դուստրը այստեղ են` Արցախում. Լուսինե Ավանեսյան
Ֆեյսբուքում տարբեր օգտատերեր համացանցում լուրեր են շրջանառում, որ Արցախի Հանրապետության նախագահ Արայիկ Հարությունյանն իր կնոջը և փոքր դստերը դուրս է հանել Արցախից։
Օգտատերերը մեկնաբանություններ էին նաև անում, որ այս ամենը նշանակում է, որ Արայիկ Հարությունյանը պատրաստվում է Արցախի հանձնմանը։
168.am-ը Արայիկ Հարությունյանի մամուլի խոսնակ Լուսինե Ավանեսյանից հետաքրքրվեց`արդյո՞ք շրջանառվող լուրերը համապատասխանում են իրականությանը, ինչին ի պատասխան Լուսինե Ավանեսյանն ասաց.
«Արայիկ Հարությունյանի կինը, դուստրը այստեղ են՝ Արցախում, նրանք որևէ տեղ չեն գնացել»:
Հ.Գ. Նշենք, որ ավելի վաղ մամուլը գրել էր, որ Արցախի նախագահի երկու դուստրերը, որոնցից մեկը վերջերս էր ամուսնացել, Արցախում չեն, նրանք Երևանում են։
